زمان كان رغيف العيش كبير وريحته تفتح النفس وكان بشلن
دلوقتى رغيف العيش قد البليه وبربع جنيه بالإضافه للزلط والتراب ونشارة الخشب وما إلى ذلك
ـــــــــــــــــــــــــــــــــــــــــ
زمان كان الجنيه له قيمه كبيره يعنى مثلا على ايام والدى كان الجنيه ممكن يصرف على عيله
دلوقتى لو جيت تدى لعيل صغير جنيه يبصلك من فوق لتحت بإحتقار ويقولك ده اجيب بيه ايه ده ميجبش حتى شيكولاتيه
ــــــــــــــــــــــــــــــــــــــــ
زمان الراجل كان بيخرج يشتغل ويشقى على بيته والست تقعد فى البيت تستت وتنظف البيت وتربى عيالها
دلوقتى الراجل عايز ينام ومالوش دعوه مراته تجيب فلوس من اهلها وتصرفله على البيت
ــــــــــــــــــــــــــــــــــــــــــــــــــ
زمان كان المسئولين بيقبقضوا على الحرميه ويحاكموهم ويحطوهم فى السجون
دلوقتى طلع المسئولين هما الللى سرقين أموال البلد ومحطوطين فى السجون وبيتحاكموا!!
ــــــــــــــــــــــــــــــــــــــــــــــــــ ــــــ
زمان كان المسئولين فى خدمة الشعب والقضاء على الفساد ومحاربته واحقاق الحق وابطال الباطل
دلوقتى بعضهم دايرين ورا الشرفاء فى كل مكان عشان يحرضوهم على الفتنه !!
ــــــــــــــــــــــــــــــــــــــــــــــــــ ــــــــــ
عفوا هذا الموضوع
قصة حقيقيه
ليست هناك تعليقات:
إرسال تعليق