يا اللي حميت الوطن ................. فهمني مين إحنا
ما تقوللي إيه النظام ؟؟ ............... إنطقها ريحنا
9 شهور بالكمال ......... ثابتين مطارحنا
كان الغضب حقي ...... والثورة بإرادتي
والحلم طفل جميل ..... شايفينه بيخطي
ظهر شعاع الأمل ....... والعتمه بتوطي
طب ليه في وسط الطريق ..... ع الظلم بتغطي ؟؟؟
هو إحنا فزنا بجد ..... عدينا ونجحنا ؟؟؟؟
ولا الزمن غادر ..... سهانا ودبحنا ؟؟
يا اللي رضيت بالفساد ...... شوًه ملا محنا
ما ت..يلا دوس ع الزناد .... إقتل وريحنا
بس إنت بطل عناد .... وشوف لفين رحنا
سرطان بيسري في بدن .... كبد وخلاص إتهري
وجموع بتسرق وطن .... والعيشة جايبه لورا
ضحكتنا قلبت شجن .... وراجلنا أصبح مره
وحريمنا دفع التمن .... والستر أصبح عرا
والسلطه صابها العفن .... ضهري وخلاص إنبري
هتقولي حكم الزمن ؟؟.... يا أخي بلاش مسخرة
يا اللي رضيت بالفساد .... شوًه ملا محنا
ما ت..يلا دوس ع الزناد .... إقتل وريحنا
إقتل وريحنا
ليست هناك تعليقات:
إرسال تعليق