قصة وداع

 

۩╣ قــ،ــ،ـصـ،ـة وداع ╠۩

فرقتنا السنين
ضاع في طريقها الحنين
والقلب عاش حزين
والسؤال الغلط كان من مين؟

جيت اسلم عليكي
فجاه وحشتني عنيكي
قلت لازم اجي ليكي
واعرف تاني عملت ايه فيكي؟؟


جتلي تاني ليه
ومنفذتش الي اتفقنا عليه
كان لازم الاول تفكر
انك كده هتجرحني اكتر
الماضي خلاص مات
وانا مش عايزه اتكلم في الي فات

لا لازم تتكلمي
ولازم تفهمي
اني لسه بحبك
ومش قادر على بعدك
انا بعشق بجد قلبك

يعني مش عارف عملت فيا ايه
يعني مش عارف ظلمتني قد ايه
سبتني علشان غلطه مكنش ليا سبب فيها
ودلوقتي بتقولي عملت ايه ؟؟

يمكن غلطت غلطه بسيطه وكان لازم تسامحيني
بس انتي كده بتضيعيني وبتضيعي سنيني
مينفعش ادي لحد غيرك حبي وحنيني

طلععتني انا الي غلطانه
وانا بدموعي وحرتي ووجع قلبي في لياليا سهرانه
انت الي خدت قرار بعادنا وانا وافقت ومش ندمانه

خلاص انا غلطان
وبجد اوي ندمان
بس سامحيني
بجد انا حيران
وحشتيني اوي ونفسي تضميني

عمري ما هصدق تاني واسلم قلبي ليك
واعشقك واتنازل عن كل حاجه واموت فيك
عمري ما هبكي تاني عليك
كفايه بجد مش عايزه اجرح تاني فيك

ارجعيلي وخديني لجنتك تاني
والمره دي صدقيني مش هكون اناني
بس ارجعيلي ده انا بموت
ارجعي علشاني

كفايه كلامك بيوجعني بجد
عمري ما اتوجعت من أي كلام حد
بس كلامك بيكسر فيا وبيسرق من عمري الوقت

هاتي اديكي والمسي اديا
رجعيلي فرحه الدنيا
فاكره لما كنت بطير معاكي في السحاب
وننسى البشر في ثانيه

كلامك بيخليني احن وارق
وقلبي دلوقتي اوي بيدق
بس عمري ما هتنازل عن قراري
مع انه هيكسرني وهيعيشني دايما وسط ناري
وهشوف بعنيا دماري

انا مش هياس من حبك ابدا مهما يكون
مهما الف العالم كله والف الكون
هتفضل حياتي بمعنى واحد ولون
معناها انتي ولونك انتي

وانا عمري ما هنساك
ولا هنسى احلى ايام قضيتها معاك
انا كنت ليك زمان ملاك
لكن يا خسارة نزلتني من سماك

قبل ما امشي هوصيكي وصيه
اوعي في يوم الايام تقسيكي اكتر من كده عليا
كفايه الندم الي عايش جوايا وفيا
ويوم ما اجي في بالك ادعي دعوه حلوه ليا

وانا كمان هوصيك وتوعدني
انك تنساني وتسبني
مش عايزه اشوفك
ولا اسمع صوتك
ولا تقرب مني
ابعد بعيد اوي عني

فرقتنا السنين
ضاع في طريقها الحنين
والقلب عاش حزين
والسؤال الغلط في مين ؟؟

آسف لو كنت طولت عليكم , لاكن من زمآن ونفسي احط الموضوع في المكآن المنآسب,

وربي يعلم كيف تعبت في تنسيق هذه البيوت من الكلمآت حتي تتمآشي مع بعضها ,,,

تم بحمد الله ,,,